مقدمه

من فتره مش كبيره فكرت ان جوايا حاجات كتير قوى مش عارفه احدد ملامحها حاولت باستماته انى اعرف ايه هوه اللى بفكر فيه ولا ايه هوه اللى تاعبنى ولا ايه هوه اللى مخلينى على مشارف الجنان او التخلف العقلى ان اردنا التحديد وبعد صولات وجولات مع المدعوه نفسى يا حلاوه ولا اللى كانى رايحه افتح عكا بدات اعرف واستكشف ان اللى الاحساس اللى جالى على غفله ده احم .......مش عاوزه حد يفهمنى غلط انا اقصد يعنى الاحاسيس دى عباره عن حصيله مش بطاله لحاجات ومواقف واحداث كتير مريت بيها الكام سنه اللى انا عشتها وبدات افكر ان لازمن وعن كل بد انى افضفض اه لازم والا يجيلى استبحث بغض النظر عن تشخيصه دلوقتى مش موضوعنا مالاقيتش انسب من انى اعرض كل اللى بفكر فيه قدامكوا وهسيبلكوا انتوا مهمه تشخيص حاله الاستبحث الى واضح مفيش مفر منها سواء حكيت او لا لانى بالفعل بدات احس باعراضها مش عاوزه حد يتهمنى انى لكاكه وبرغى كتير لاسمح الله ده ابعد ما يكون عنى طبعا بس اللى عاوزه اقوله انى قررت انولكم شرف متابعه كتاباتى وربنا يستر ويجعله عامر